ნიკოლა სარკოზის პარიზის სასამართლომ 3 წელი მიუსაჯა

 ნიკოლა სარკოზის პარიზის სასამართლომ 3 წელი მიუსაჯა

პარიზის სასამართლომ საფრანგეთის ექსპრეზიდენტი ნიკოლა სარკოზი კორუფციაში დამნაშავედ ცნო და სამწლიანი პატიმრობა მიუსაჯა, აქედან ორი წელი – პირობითი სასჯელი.

BBC-ის ინფორმაციით, მოსამართლის განჩინებაში აღნიშნულია, რომ ექსპრეზიდენტს შეუძლია სასჯელი შინაპატიმრობაში მოიხადოს, რომლის დროსაც მისი ზედამხედველობა ელექტრონული სამაჯურის საშუალებით განხორციელდება.

66 წლის სარკოზი მოსამართლე ჟილბერტ აზიბერტის მოსყიდვის მცდელობაში დაადანაშაულეს. კერძოდ, ბრალდების თანახმად, სარკოზმა მოსამართლეს, საკუთარ პოლიტიკურ პარტიასთან დაკავშირებით მიმდინარე გამოძიების შესახებ ინფორმაციის მიწოდების სანაცვლოდ მონაკოში პრესტიჟული სამსახური შესთავაზა.

ექსპრეზიდენტს განაჩენის გასასაჩივრებლად 10 დღე აქვს.

სარკოზის ყოფილ ადვოკატ ტიერი ჰერცოგსა და ჟილბერტ აზიბერტს იგივე სასჯელი მიუსაჯეს.

Related post