დევნილებს დახმარება შეუწყდებათ

 დევნილებს დახმარება შეუწყდებათ

ქართულ მედიაში აფხაზეთში მიმდინარე მოვლენები ძალიან „ძუნწად“ ან, შეიძლება ითქვას, რომ ხშირად საერთოდაც არ შუქდება. წლების განმავლობაში დამკვიდრებული პრაქტიკის თანახმად, ოკუპირებული ტერიტორიები და კონკრეტულად აფხაზეთი მედიაში უფრო სიმბოლური, ისტორიული თარიღებისა და მოვლენების შეხსენების ფორმით აქტიურდება და მაყურებელმაც უკვე წინასწარ იცის, რომ კონკრეტულ დროს მას შეახსენებენ აფხაზეთის ომის დაწყებას, სოხუმის დაცემას, 2008 წლის რუსეთ-საქართველოს ომისა თუ დაღუპული გმირების ხსოვნის დღეებს და ა.შ., თუმცა რა ხდება აფხაზეთში უშუალოდ დღეს და რა სოციალურ-პოლიტიკური პროცესები მიმდინარეობს თავად აფხაზურ საზოგადოებაში, ამის შესახებ ქართველი მკითხველი თუ მაყურებელი ინფორმაციას ძალიან იშვიათად იღებს.

არადა ამ პროცესების გაშუქებას, ბუნებრივია, ძალიან დიდი მნიშვნელობა აქვს არა მხოლოდ აფხაზეთში მცხოვრები ქართველების მდგომარეობის გაცნობის კუთხით, არამედ აფხაზურ საზოგადოებასთან დიალოგისა და შერიგების სამომავლო პერსპექტივების ძიების თვალსაზრისითაც.

მიუხედავად ამისა, ქართული მედიის უდიდესი ნაწილი ხშირად ყურადღების მიღმა ტოვებს ისეთ მოვლენებსაც კი, რომლებიც უშუალოდ ეხება გალის რაიონში მცხოვრები ქართული მოსახლეობის უფლებებს.

Related post

GEOVIPS.COM

გამოიწერეთ ჩვენი სოციალური მედია


This will close in 50 seconds