არის თუ არა სვანეთში უშუქობის მიზანი მოსახლეობის იძულება – ელენერგია ფასიანი გახდეს

 არის თუ არა სვანეთში უშუქობის მიზანი მოსახლეობის იძულება – ელენერგია ფასიანი გახდეს

მესტიის მუნიციპალიტეტის სოფლების ბეჩოს, ლატალისა და ლენჯერის მოსახლეობის განცხადებით, 2020 წლის დეკემბრის პირველ ნახევარში, ადგილობრივებმა სამივე თემის ყველა სოფელი საკუთარი ძალებით გაწმინდეს კრიპტოვალუტის ფერმებისგან, თუმცა ელექტროენერგია მაინც ყოველდღიურად ეთიშებათ, ხშირად დღის განმავლობაში რამდენჯერმე და ზოგჯერ რამდენიმე საათით.

ზემო სვანეთს ბუნებრივი აირი არ აქვს და მოსახლეობის დიდი ნაწილი გასათბობად ელექტროენერგიას იყენებს, უშუქობა კი ზამთარში, რომელიც სვანეთში თითქმის 6 თვე გრძელდება, ადამიანების მდგომარეობას კიდევ უფრო აუარესებს.

მოსახლეობას მიაჩნია, რომ „ენერგო პრო ჯორჯია“ ელექტროენერგიას ხშირად სპეციალურად თიშავს, რათა ხალხი შეაგუოს და აიძულოს, რომ ზემო სვანეთში ელექტროენერგია ფასიანი გახდეს.

„2020 წლის ნოემბრიდან მოყოლებული, ზამთრის პერიოდში, როდესაც ყველაზე მეტად არის საჭირო ელექტროენერგია, „ენერგო-პრო ჯორჯია“ რეგულარულად თიშავს მესტიის ცენტრალურ გამანაწილებელ ქვესადგურში ფიდერ „ლენჯერს“, რომელზეც დამოკიდებულია ბეჩოს, ლატალისა და ლენჯერის თემების სოფლების მოსახლეობა, სულ მცირე 600 ოჯახი. არაერთხელ მივმართეთ „ენერგო-პრო ჯორჯია“-ს ადგილობრივ თუ რეგიონულ ხელმძღვანელობას, მაგრამ ვერ მივიღეთ დასაბუთებული პასუხი შეზღუდვებთან დაკავშირებით. სიტყვიერად „ენერგო პრო ჯორჯია“-ს წარმომადგენლებმა გვითხრეს, რომ ეს ე.წ. „ბიტკონების“ გამო ხდება.

Related post