[x]
[x]
» » » როდის გაიხსნება და რა წესების დაცვა მოუწევთ სილამაზის სალონებს


როდის გაიხსნება და რა წესების დაცვა მოუწევთ სილამაზის სალონებს


სალონები სავარაუდოდ, მეოთხე ეტაპიდან ანუ 8 ივნისიდან გაიხსნება თუმცა მათ ხელისუფლების მიერ დაწესებული რეკომენდაციების გათვალისწინება მაინც მოუწევთ.  რადგან როგორც საქართველოს სალონების ფედერაციის განცხადებაშია აღნიშნული, სილამაზის სალონები საშუალო რისკის მატარებელ ობიეტებს მიეკუთვნება. 
"გაითვალისწინეთ, რომ ეს წესები ჩვენი მოფიქრებული არ არის, ეს არის მთავრობის დადგენილება, შესაბამისად სხვადასხვა კომენტარებისგან თავი შეიკავეთ!
ჩვენ მზად ვართ, ვითანამშრომლოთ ნებისმიერ თქვენთაგანთან კონსტრუქციული წინადადებებით და გვერწმუნეთ, ჩვენი ინტერესები თანხვედრია",- ნათქვამია საქართველოს სალონების ფედერაციის პრეზიდენტის თამუნა შარაშენიძის განცხადებაში.
 ეს არის წესების ჩამონათვალი, რომლებიც გაწერილია მთავრობის ბრძანებებში:
  • პირველი, უნდა შეიძინონ უკონტაქტო თერმომეტრები, დამცავი ფარები, დეზობარიერები;
  • ყველა თანამშრომელი ვალდებულია, სამსახურში გამოცხადებისთანავე გაიზომოს სიცხე და აღრიცხვის ჟურნალში შეიტანოს მონაცემები;
  • კარებში უნდა იდგეს ერთი თანამშრომელი, რომელიც შემოსულ მომხმარებელს გაუზომავს სიცხეს, დააბანინებს ხელს/დეზინფექციას გაუკეთებს სადეზინფექციო სხნარით, რომელიც იქვე გექნებათ მოთავსებული.
  • აუცილებელია, ყოველი კლიენტის მონაცემები (ტემპერატურა) შეტანილი იქნას აღრიცხვის ჟურნალში;
  • ხელოსნებს შორის, ასევე მომხმარებლებს შორის მანძილი უნდა იყოს 2 მეტრი;
  • მომხმარებლებს უნდა ეკეთოთ ნიღბები და ხელთათმანები, ხოლო ხელოსნებს ფარები, ნიღბები და საჭიროების შემთხვევაში (მაგალითად, მანიკიური, კოსმეტოლოგი) ხელთათმანი;
  • ერთ სივრცეში მაქსიმუმ 5 ადამიანის ერთად ყოფნაა შესაძლებელი;
  • ვისაც გრძელი თმა აქვს(ხელოსნებს), უნდა დაიმაგრონ;
  • აკრძალულია მუშაობის პროცესში მობილური ტელეფონების გამოყენება;
  • დამლაგებელმა ხშირად უნდა წმინდოს იატაკი სადეზიფექციო ხსნარით, ხოლო სველი წერტილები, ყოველი მომხმარებლის შემდეგ;
  • სილამაზის სალონების მფლობელებმა აუცილებელია შეავსოთ სპეციალური ფორმა, სადაც უნდა მიუთითოთ სატრანსპორტო საშუალებები, რომლითაც თქვენი თანამშრომლები დადიან;
  • ადმინისტრატორებმა ყოველი საუბრის შემდეგ ტელეფონი სადეზინფექციო ხსნარით უნდა გაწმინდონ.
скачать dle 12.0
loading...
189
    

კომენტარი

© 2019